《葉劉可以去到幾盡？》
葉劉今日喺twitter發表偉論，話新疆出咗一個女明星 － 迪麗熱巴，紅遍全中國，因此證明新疆冇乜嘢種族滅絕。
諗落又啱喎，全世界都話恐龍滅絕咗，如果而家油麻地跳隻暴龍出嚟，當然可以反證恐龍冇滅絕，葉劉嘅意思要死到一隻都冇先至啱數。
自己從未去過新疆，唔清楚嗰度發生乜嘢事，但係香港舊年有一題關於日本對中國「是否利多於弊」嘅試題，葉劉有份大肆攻擊日本侵華，我而家網上搵到三張日本官方照片（附圖下），相中見到當年日本派出好多皇軍去到中國同香港，派衣物派食物照顧老弱婦孺。
葉劉你錯怪好人，係咪應該叫聲日本鬼子做阿爸？
（後記：2016年12月，香港01偵查報道，葉劉老豆劉福成30年代從星加坡返港代理日本鬼子《味之素》， 30年代、40年代……靠日本鬼子賺咗當年嘅1千萬，當年，即係香港嘅三年零八個月）
ps. 既然你咁想出名，今晚一於開夜工寫個劇本搵你做主角……
Search